«Өлке тарихының тарланы» атты танымдық сағат өткізілді.
🏫 Мектеп жанындағы интернаты бар Ақши жалпы орта білім беретін мектебі КММ-де «Өлке тарихының тарланы» атты танымдық сағат өткізілді. Танымдық сағат мектеп мұражайы қорындағы материалдарды пайдалана отырып ұйымдастырылды. Шараның негізгі мақсаты – оқушылардың өлке тарихына қызығушылығын арттыру және тарихи жәдігерлер арқылы патриоттық тәрбие беру.
👩🎓 Танымдық сағатқа 10 сынып оқушысы Сабыржанқызы Ақтоты қатысып, тарих пәні мұғалімі Төлеутаева Құндыз Үннісқызы жетекшілік етті. Ол жеке форматта «Бір жәдігер – бір тарих» бағыты бойынша мектеп мұражайы экспонаты туралы мәлімет ұсынды.
🏺 Бір жәдігер – бір тарих
Сабыржанқызы Ақтоты көне диірменді таңдады. Бұл жәдігерді ауылдағы Мұхамедқалиев Есен ағамыз музейге өткізген, ал әкесі Мұхамедқали ата өз қолымен жасап, пайдаланған екен. Диірмен аштықты, соғыстың ауырлығын және тірі қалу үшін күрескен адамдардың үмітін көрсетеді. Қарапайым көрінгенімен, әр тасы адамның еңбегі мен тағдырын сақтап тұр.
🛠️ Сабыржанқызы Ақтоты диірменнің «3D» моделін жетекшісі Төлеутаева Құндыз Үннісқызымен бірлесе жасап шықты. Бұл модель арқылы көне диірменнің қалай жұмыс істейтінін, негізгі бөлшектері мен астық тарту процесін көрнекі түрде көрсету мүмкін болды. Үш өлшемді модель оқушыларға тарихи жәдігер мен тұрмыстық өндірістің байланысын түсінуге көмектесті және музей экспонатының тәрбиелік мәнін айқындады.
“Өткен үнсіз емес. Әр тастың, әр дәннің артында еңбек пен төзім тұрғанын ұмытпайық.” Аягөз қаласы
#Адал_азамат_Абай_облысы_Аягөз
#АПҚО_Абай_облысы_Аягөз
#Ұлттық_сезім_Абай_облысы
#Балаларкітапханасы_Абай_облысы_Аягөз
#Абай180жыл_Абай_облысы_Аягөз
Бірлікжәнеынтымақжобасы_Абай_облысы_Аягөз
