5–6–7 сынып оқушылары арасында ұйымдастырылған сабақтан тыс «Тарихи квест» ойыны болды.
“Мектеп жанындағы интернаты бар Ақши жалпы орта білім беретін мектебі” КММ-де тарих апталығы өткізілді. Апталық «Кешегі тарих – кемел келешек» тақырыбы аясында ұйымдастырылды. Апталық барысында оқушылардың тарих пәніне деген қызығушылығын арттыру мақсатында түрлі танымдық және зияткерлік іс-шаралар өткізілді.Соның бірі – 5–6–7 сынып оқушылары арасында ұйымдастырылған сабақтан тыс «Тарихи квест» ойыны болды. Бұл ойын оқушылардың тарихи білімін қызықты тапсырмалар арқылы тексеруге, олардың ойлау қабілетін дамытуға және топпен жұмыс жасау дағдыларын қалыптастыруға бағытталды. Ойын барысында оқушылар бірнеше бекеттерден өтіп, әр түрлі тапсырмаларды орындады. Тапсырмалар тарихи сұрақтарға жауап беру, жасырылған сөздерді табу, пазл құрастыру және логикалық тапсырмаларды шешу сияқты бөлімдерден тұрды.
Іс-шараның негізгі мақсаты – оқушылардың Қазақстан және дүние жүзі тарихы бойынша білімдерін тереңдету, тарихи оқиғалар мен тұлғалар туралы түсініктерін кеңейту, сондай-ақ олардың зияткерлік қабілеттерін дамыту болды. Сонымен қатар, квест ойыны оқушыларды ұйымшылдыққа, бір-бірімен ынтымақтаса жұмыс жасауға және белсенділік танытуға тәрбиелеуге ықпал етті.
Ойын өте қызықты әрі тартымды өтті. Оқушылар тапсырмаларды үлкен қызығушылықпен орындап, өз білімдерін көрсетті. Мұндай ойын түріндегі іс-шаралар оқушылардың тарих пәніне деген қызығушылығын арттырып, олардың білімін ойын арқылы бекітуге мүмкіндік береді. #Адал_азамат_Абай_облысы_Аягез
#АПКО_Абай_обльсы_Аягез
#Улттык_сезім_Абай_облисы
#Балаларкітапханась_Абай_облысы_Аягез
